Nota de prensa e
fotografías sobre o XVLI Concurso Exposición Internacional da
Camelia
Do 26 ao 28 de febreiro no
sexto edificio do Museo de Pontevedra celebrouse o XVLI Concurso
exposición Internacional da Camelia que contou coa participación
de ao redor de 50 expositores.
Ademais dos concursantes, a
exposición contou coa participación de varios particulares que
mostraron as súas flores fóra de concurso, así como doutro
tipo de participación en torno á camelia: ourivaría e
xoias, debuxos, cadros e fotografías, postais, selos, etc.
O
premio máis importante da exposición, o premio de Camelia de
Ouro, ao participante máis destacado outorgóuselle a Xosé
Torres Rego, as cultivadoras Carmen Corral Luengo e Carmen González
Santaya fixéronse cos premios especiais: "Antonio Odriozola" e o
concedido pola Sociedade Española da Camelia. No tocante aos premios
á mellor presentación artística recaeron en Lelita
Gradín (primeiro) e María Rodríguez.
O resto dos
premios recaeron nos seguintes expositores: Fernando Vila Gómez, Eusebio
López Redondo e Rosa Crespo Igrexas obtiveron o primeiro, segundo e
terceiro premio de camelia reticulata de calquera cor ou variegación;
Carmen Costas Alonso, Ana Isabel Calo Torrado e Mercedes Pita Mon, o primeiro,
segundo e terceiro premio de híbridos de camelia; Familia de Laura
Almuiña e Carlos Comendador Rey, o primeiro e segundo premio de camelia
xapónica branca; María Otero del Río e Carmen Corral
Luengo, o primeiro e segundo premio de camelia xapónica rosada ou
doutras cores; María Cruz Coello e Carlos Comendador Rey, o primeiro e
segundo premio de camelia xapónica vermella; Fernando Vila Gómez
e María Teresa Díaz o primeiro e segundo premio de camelia
xapónica xaspeada ou variegada e Eusebio López Redondo e Manuela
Couso Ares o primeiro e segundo doutras especies de
camelia.