Sección de
Edafoloxía
A súa tarefa
principal é a análise química da fertilidade dos solos
agrícolas e o correspondente asesoramento para adaptar as súas
características ás necesidades do correspondente cultivo a
petición dos agricultores, cooperativas e usuarios en xeral. En resumo,
trátase de efectuar un estudo-diagnóstico de cada solo e
propoñer medidas para a súa corrección.
Traballa,
por outra banda, en proxectos de investigación aplicada á
agricultura; en concreto, no estudo da nutrición mineral dos cultivos
-fundamentalmente kiwi e viña-. En segundo lugar, e en relación
coa necesidade de propoñer medidas para a corrección,
efectúan diversas experiencias controladas de resposta dos cultivos a
diferentes formas de fertilización orgánica ou mineral,
así como a distintas doses de cal tanto en campo coma en maceta. Para
todo isto, o laboratorio efectúa análises químicas
foliares así como análise de metais pesados en materiais
orgánicos e solos.
|