Unidade de Virus
Nesta
unidade realízanse determinacións das enfermidades causadas por
virus nos nosos cultivos. Debido ao tamaño ultramicroscópico
destes organismos, as técnicas de diagnóstico que se aplican son
serolóxicas e moleculares.
As análises efectúanse a
partir do material vexetal das mostras que se reciben na Estación
Fitopatolóxica do Areeiro. En especial destacaremos as efectuadas aos
organismos patóxenos que teñen regulado por lei o seu control:
- Mostras das inspeccións oficiais do
control de virus en viveiros de plantas hortícolas para a
detección de diferentes enfermidades como: Tomato spotted wilt
tospovirus (TSWV), Tomato yellow leaf curl begomovirus (TYLCV), Pepino mosaic
Virus (PepMV) e outras viroses non incluídas dentro desta
categoría, pero que teñen igualmente importancia dentro destes
cultivos.
- No cultivo da viña
realízanse análises dos viveiros de plantas nai e das
plantacións establecidas para a detección do Entrenó curto
infeccioso (GFLV), Enrolado (GLRV 1, 2 e 3), Xaspeado (GFKV) e o Virus do
Mosaico do Arabis (ArMV).
- Detección de viroses graves (PVY e
PLRV) en plantacións de pataca de semente
seleccionada.
- Control de viroses en froiteiras, en
concreto o virus da Sharka (PPV).
|